Ֆրանսիայում ընթացող Եվրոպայի առաջնության եզրափակիչ խաղը կսպասարկի անգլիացի մրցավար Մարկ Կլատենբուրգը, եթե Ուելսի հավաքականը պարտվի կիսաեզրափակիչում, գրում է The Telegraph-ը:
ՈւԵՖԱ-ում Ուելսին, Անգլիային, Շոտլանդիային ու Հյուսիսային Իռլանդիային համարում են այլ երկրներ, սակայն Մեծ Բրիտանիան ներկայացնող թիմի մասնակցությամբ եզրափակիչում բրիտանացի մրցավարի նշանակումը կարող է սկանդալի առիթ դառնալ: Եթե ուելսցիները կիսաեզրափակիչում հաղթեն Պորտուգալիայի հավաքականին, ապա եզրափակիչը, հավանաբար, կսպասարկի հունգարացի Վիկտոր Կաշաին:
Հիշեցնենք, որ Եվրո-2016-ի կիսաեզրափակիչի Պորտուգալիա - Ուելս խաղում կաշխատի շվեդ Յունաս Էրիկսոնի բրիգադը, իսկ Ֆրանսիա - Գերմանիա հանդիպումը կսպասարկի իտալացի Նիկոլա Ռիցոլին:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։