Եվրո-2016. Իսլանդիայի նախագահը հրաժարվել է VIP սենյակից եւ կնստի երկրպագուների հետ
19:03 1 հուլիսի, 2016Ֆուտբոլի Եվրոպայի առաջնության քառորդ եզրափակիչի Ֆրանսիա - Իսլանդիա հանդիպման ժամանակ Իսլանդիայի ընտրված նախագահ Գվյուդնի Յոհանեսոնը չի նստի պատվավոր հյուրերի համար նախատեսված VIP սենյակում:
«Ես ֆանատների հետ կնստեմ տրիբունայում եւ կհագնեմ հավաքականի մարզաշապիկ: Ինչո՞ւ նստեմ VIP սենյակում եւ շամպայն խմեմ, եթե դա կարող եմ անել աշխարհի ամեն կետում: Իսլանդիայի համար Եվրո-2016-ի քառորդ եզրափակիչ դուրս գալը շատ բան է նշանակում: Դա ցույց է տալիս, որ եթե ունես նպատակ եւ աշխատում ես այդ ուղղությամբ, կարգապահ ես, ապա կարող է ամեն ինչ էլ տեղի ունենալ: Ֆրանսիայի հավաքականը պետք է չթերագնահատի մեզ»,- Յոհանեսոնի խոսքը մեջբերում է eurosport-ը:
Իսլանդացի պատմաբան եւ թարգմանիչ Յոհանեսոնը ընտրություններում հաղթել է հունիսին, պաշտոնավարումը կսկսի օգոստոսի 1-ին: Ֆրանսիա - Իսլանդիա հանդիպումը տեղի կունենա հուլիսի 3-ին:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։