Դավիդ Յուրչենկո. Երազում եմ հանդես գալ Ռուսաստանի հավաքականում
16:41 1 հուլիսի, 2016Մախաչկալայի «Անժիի» հետ երեք տարվա պայմանագիր կնքած դարպասապահ Դավիդ Յուրչենկոն երազում է հանդես գալ ֆուտբոլի Ռուսաստանի հավաքականում:
«Իմ գլխավոր նպատակներից մեկը Ռուսաստանի հավաքականից հրավեր ստանալն է: Ինձ համար կարեւոր է ունենալ խաղային պրակտիկա եւ օգուտ տալ «Անժիին», իսկ հավաքականի դարպասապահի խնդիրը կլուծի նոր մարզչական շտաբը: Ես կանեմ հնարավոր առավելագույնը, որպեսզի ստանամ այդ հրավերը: Ես դեռ աճելու տեղ ունեմ»,- 30-ամյա դարպասապահի խոսքը մեջբերում է tass-ը:
Յուրչենկոն հրավերներ է ստացել Թուրքմենստանի եւ Հայաստանի հավաքականներից, սակայն չի ընդունել: Ռուսաստանի հավաքականում երկար տարիներ հանդես է գալիս Մոսկվայի ԲԿՄԱ-ի խաղացող Իգոր Ակինֆեեւը: Եվրո-2016-ին երկրորդ դարպասապահը Ռուսաստանի քաղաքացիություն ունեցող բրազիլացի Գիլերմեն էր, որը հանդես է գալիս «Լոկոմոտիվում»:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։