Զլատան Իբրահիմովիչը՝ «Մանչեսթեր Յունայթեդի» խաղացող
20:06 30 հունիսի, 2016Շվեդ հարձակվող Զլատան Իբրահիմովիչը հայտարարել է անգլիական «Մանչեսթեր Յունայթեդին» միանալու մասին:
«Ժամանակն է, որ աշխարհն իմանա: Իմ հաջորդ ակումբը «Մանչեսթեր Յունայթեդն» է: Ես գալիս եմ»,- Ինստագրամում գրել է 34-ամյա ֆուտբոլիստը, որը ՊՍԺ-ի հետ պայմանագիրը չերկարաձգելուց հետո ունի ազատ գործակալի կարգավիճակ: Նա հուլիսի 1-ին բուժզննում կանցնի անգլիական ակումբում:
Սպասվում է, որ Իբրահիմովիչը մեկ տարվա պայմանագիր կկնքի Ժոզե Մոուրինյոյի գլխավոր թիմի հետ: Միլանի «Ինտերում» պորտուգալացի մասնագետի գլխավորությամբ հանդես եկած Իբրահիմովիչը կարող է դառնալ նաեւ մարզիչի օգնական կամ խաղացող-մարզիչ: Նրա տարեկան աշխատավարձը կլինի 15 միլիոն եվրո:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։