«Բարսելոնայի» նախագահ. Նեյմարը 5 տարով կերկարաձգի պայմանագիրը
22:53 30 հունիսի, 2016Բրազիլացի հարձակվող Նեյմարը «Բարսելոնայի» հետ պայմանագիրը կերկարաձգի հինգ տարով: Այդ մասին հայտնել է կատալոնական ակումբի նախագահ Խոսեպ Մարիա Բարտոմեուն:
«Նեյմարը չի հեռանա «Բարսելոնայից»: Առաջիկա օրերին կերկարաձգենք պայմանագիրը հինգ տարով: Մենք գոհ ենք մեր թիմից եւ մարզիչից: Մեր ակումբում աշխարհի լավագույն ֆուտբոլիստ Մեսին է: Բայց թիմը մտածում է կազմն ուժեղացնելու մասին»,- Բարտոմեուի խոսքը մեջբերում է Marca-ն:
«Բարսելոնան» 25 միլիոն եվրոյով կգնի «Լիոնի» եւ Ֆրանսիայի հավաքականի պաշտպան Սամուել Ումտիտիին:
Նեյմարի գործող պայմանագիրը նախատեսված է մինչեւ 2018 թվականը: Ֆուտբոլիստին գնելու ցանկություն ունեն ՊՍԺ-ն, «Ռեալը» եւ «Մանչեսթեր Սիթին»:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։