International Champions Cup. «Բարսելոնայի» մրցակիցները
18:55 30 հունիսի, 2016Ֆուտբոլի Իսպանիայի չեմպիոն «Բարսելոնան» կմասնակցի International Champions Cup ամենամյա ընկերական մրցաշարին: Լուիս Էնրիկեի գլխավորած թիմի մրցակիցները կլինեն շոտլանդական «Սելթիկը», անգլիական «Լեսթեր Սիթին» ու «Լիվերպուլը»: Հանդիպումները տեղի կունենան Եվրոպայում: Հուլիսի 30-ին Իռլանդիայի մայրաքաղաք Դուբլինում կատալոնական ակումբը կխաղա «Սելթիկի» հետ, օգոստոսի 3-ին Շվեդիայի մայրաքաղաք Ստոկհոլմում՝ Անգլիայի չեմպիոն «Լեսթեր Սիթիի», օգոստոսի 6-ին Լոնդոնի «Ուեմբլի» ստադիոնում՝ «Լիվերպուլի» հետ:
Նոր մրցաշրջանի նախապատրաստական փուլում «Բարսելոնան» Ժոան Գամպերի Գավաթի խաղում օգոստոսի 10-ին Բարսելոնայի «Կամպ Նոու» ստադիոնում կընդունի իտալական «Սամպդորիային»:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։