Հովհաննես Բաչկովը Վենեսուելայում կպայքարի օլիմպիական ուղեգրի համար

Վենեսուելայում hուլիսի 2-8-ը տեղի կունենա WSB-ի եւ APB-ի պրոֆեսիոնալ բռնցքամարտիկների օլիմպիական վարկանիշային մրցաշարը, որին կմասնակցի նաեւ Հայաստանը ներկայացնող 64 կգ քաշային Հովհաննես Բաչկովը:

Վիճակահանությունն ու կշռման արարողությունը տեղի կունենա հուլիսի 2-ին: Օլիմպիական ուղեգիր կնվաճեն 1-3-րդ տեղերը գրաված մարզիկները, հայտնում են Հայաստանի բռնցքամարտի ֆեդերացիայից:

Դա Օլիմպիական խաղերի վարկանիշային վերջին մրցաշարն է: 

Հիշեցնենք, որ բռնցքամարտի Հայաստանի հավաքականից օլիմպիական ուղեգիր են ապահովել Արթուր Հովհաննիսյանը (49 կգ), Նարեկ Աբգարյանը (52 կգ), Արամ Ավագյանը (56 կգ) եւ Վլադիմիր Մարգարյանը (69կգ):