Արգենտինայի մայրաքաղաք Բուենոս Այրեսում տեղի է ունեցել «Բարսելոնայի» հարձակվող Լիոնել Մեսիի արձանի բացման հանդիսավոր արարողությունը: Քաղաքի նավահանգիստում տեղի ունեցած արարողության ժամանակ Բուենոս Այրեսի քաղաքապետ Օրասիո Ռոդրիգես Լարետան Արգենտինայի հավաքականի ավագին խնդրել է հրաժարվել ազգային թիմից հեռանալու որոշումից, գրում է Daily Mail-ը:
Հիշեցնենք, որ Արգենտինայում արդեն մեկնարկել է «Մեսի՛, մի հեռացիր» արշավը, որին միացել է 100 հազար մարդ:
ԱՄՆ-ում կայացած Ամերիկայի գավաթի խաղարկության եզրափակիչում հետխաղյա 11 մետրանոցներով Չիլիին պարտվելուց հետո Արգենտինայի հավաքականի ավագը հայտարարել էր ազգային թիմից հեռանալու մասին: 29-ամյա Մեսին Արգենտինայի հավաքականում խաղում է 2005-ից եւ անցկացրել է 113 հանդիպում: Վերջերս նա գերազանցեց Գաբրիել Բատիստուտայի ռեկորդը եւ 55 գոլով դարձավ Արգենտինայի հավաքականի պատմության լավագույն ռմբարկուն:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։