Անգլիական «Մանչեսթեր Յունայթեդը» զգալի առաջընթաց ունի Թուրինի «Յուվենտուսի» եւ Ֆրանսիայի հավաքականի կիսապաշտպան Պոլ Պոգբայի տրանսֆերն իրագործելու ուղղությամբ: Ֆուտբոլիստի գործակալ Մինո Ռայոլան բանակցում է «Մանչեսթեր Յունայթեդի» գլխավոր մարզիչ Ժոզե Մոուրինյոյի հետ, որը ցանկանում է ձեռք բերել 23-ամյա խաղացողին, հաղորդում է football-espana-ն: Պոգբայի տրանսֆերի արժեքը գնահատվում է 100-120 միլիոն եվրո, տարեկան աշխատավարձը 15 միլիոն եվրո:
Ֆրանսիացի կիսապաշտպանին ձեռք բերելու ցանկություն ունի նաեւ Մադրիդի «Ռեալի» ֆրանսիացի գլխավոր մարզիչ Զինեդին Զիդանը, սակայն Արքայական ակումբի ղեկավարությունն այդքան էլ կողմ չէ այդ տրանսֆերին:
Անցած մրցաշրջանում «Յուվենտուսի» կազմում 49 հանդիպում անցկացրած Պոգբան խփել է 10 գոլ, կատարել է 14 գոլային փոխանցում:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։