Մարադոնա. Մեսին պետք է մնա եւ հաղթի ԱԱ-2018-ում
17:12 28 հունիսի, 2016Արգենտինացի լեգենդար ֆուտբոլիստ Դիեգո Մարադոնան «Բարսելոնայի» հարձակվող Լիոնել Մեսիին կոչ է արել չհեռանալ Արգենտինայի հավաքականից:
«Մեսին պետք է մնա հավաքականում: Նա պետք է մեկնի Ռուսաստանում կայանալիք ԱԱ-2018-ին եւ դառնա աշխարհի չեմպիոն: Լեոն պետք է հույսը դնի այն թիմակիցների վրա, որոնք կարող են օգնել նրան հաջողության հասնելու գործում եւ չլսի նրանց, ովքեր խորհուրդ են տալիս հեռանալ:
Շատ հիասթափված ու զայրացած եմ Մեսիի այժմյան վիճակից: Մենք անդունդն են գլորվում»,- Մարադոնայի խոսքը մեջբերում է ESPN-ը:
Հիշեցնենք, որ ԱՄՆ-ում կայացած Ամերիկայի գավաթի խաղարկության եզրափակիչում հետխաղյա 11 մետրանոցներով Չիլիին պարտվելուց հետո Արգենտինայի հավաքականի ավագը հայտարարել էր ազգային թիմից հեռանալու մասին: 29-ամյա Մեսին Արգենտինայի հավաքականում խաղում է 2005-ից եւ անցկացրել է 113 հանդիպում: Վերջերս նա գերազանցեց Գաբրիել Բատիստուտայի ռեկորդը եւ 55 գոլով դարձավ Արգենտինայի հավաքականի պատմության լավագույն ռմբարկուն:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։