Դել Բոսկեն հեռանում է Իսպանիայի հավաքականից, Կապարոսը կարող է փոխարինել նրան
12:03 28 հունիսի, 2016Ֆուտբոլի Եվրոպայի չեմպիոնի տիտղոսը չպաշտպանած Իսպանիայի հավաքականի գլխավոր մարզիչ Վիսենտե Դել Բոսկեն առաջիկայում կհեռանա զբաղեցրած պաշտոնից, հայտնում է AS-ը:
Իսպանիայի հավաքականը գլխավորելու հիմնական թեկնածուն Խոակին Կապարոսն է, որը վերջերս մերժել էր իսպանական «Վալենսիային», «Բետիսին» ու «Ալավեսին»: Սպասվում է, որ 65-ամյա Դել Բոսկեն էլ կավարտի մարզչական կարիերան:
Հիշեցնենք, որ Ֆրանսիայում ընթացող Եվրո-2016-ի 1/8 եզրափակիչում իսպանացիները 0:2 հաշվով պարտվեցին Եվրոպայի գործող փոխչեմպիոն Իտալիային եւ լքեցին պայքարը: Վիսենտե Դել Բոսկեն 2008-ից է գլխավորում Իսպանիայի հավաքականը, որի հետ դարձել է աշխարհի ու Եվրոպայի չեմպիոն:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։