Պաշտոնական. Չիլիի հավաքականի մարզիչը գլխավորեց «Սեւիլիան»

09:35   28 հունիսի, 2016

Ֆուտբոլի Չիլիի հավաքականի գլխավոր մարզիչի պաշտոնից հեռացած Խորխե Սամպաոլին գլխավորել է իսպանական «Սեւիլիան», հայտնում է ակումբի կայքը:

Այդ պաշտոնում արգենտինացի մասնագետը կփոխարինի Ունաի Էմերիին, որն, ամենայն հավանականությամբ, գլխավորելու է ֆրանսիական ՊՍԺ-ն: Եվրոպայի լիգայի գործող գավաթակրի հետ Խորխե Սամպաոլիի պայմանագիրը նախատեսված է 2 մրցաշրջանով: Նա 2014-ից էր գլխավորում Չիլիի հավաքականը, որի հետ 2 տարի անընդմեջ դարձավ Ամերիկայի գավաթակիր: Սամպաոլին Եվրոպայում աշխատելու փորձ չունի, բայց գլխավորել է նաեւ Պերուի, Էկվադորի եւ Չիլիի ակումբներ:

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։