Ֆուտբոլի Հայաստանի հավաքականի եւ Դորտմունդի «Բորուսիայի» կիսապաշտպան Հենրիխ Մխիթարյանն անգլիական «Մանչեսթեր Յունայթեդի» հետ կկնքի չորս տարվա պայմանագիր: 27-ամյա ֆուտբոլիստի տարեկան աշխատավարձը կլինի 12 միլիոն եվրո, հաղորդում է ruhrnachrichten-ը: Ժոզե Մոուրինյոյի գլխավորած ակումբը հայ ֆուտբոլիստի տրանսֆերի համար «Բորուսիային» կվճարի 40 միլիոն եվրո: Սպասվում է, որ տեղափոխության մասին պաշտոնական հայտարարություն կլինի արդեն այս շաբաթ:
Դորտմունդի «Բորուսիայից» այս ամռանը հեռացել են նաեւ պաշտպաններ Մատս Հումելսն ու Նեւեն Սուբոտիչը, կիսապաշտպան Իլկայ Գյունդոգանը: Գերմանիայի փոխչեմպիոնները բանակցում են Անդրե Շյուրլեի, Քարիմ Բելարաբիի, Մարիո Գյոտցեի տրանսֆերները իրագործելու համար:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։