«Բարսելոնան» ցանկանում է ձեռք բերել «Մանչեսթեր Յունայթեդի» իտալացի պաշտպան Մատեո Դարմիանին: Կատալոնական ակումբը Իտալիայի հավաքականի 26-ամյա ֆուտբոլիստի տրանսֆերի համար անգլիական ակումբին առաջարկել է 16 միլիոն ֆունտ ստերլինգ, հաղորդում է Daily Star-ը:
«Մանչեսթեր Յունայթեդը» մտադիր էր Դարմիանին ներառել Թուրինի «Յուվենտուսի» եւ Ֆրանսիայի հավաքականի կիսապաշտպան Պոլ Պոգբայի տրանսֆերի գործարքում, եթե այն տեղի ունենա:
Անցած մրցաշրջանում Դարմիանը 39 հանդիպում է անցկացրել «Մանչեսթեր Յունայթեդում», խփել է մեկ գոլ, կատարել նույնքան գոլային փոխանցում: Transfermarkt.de-ն Դարմիանի տրանսֆերային արժեքը գնահատում է 15 միլիոն եվրո:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։