Ամերիկայի գավաթի խաղարկության եզրափակիչում Չիլիին հետխաղյա 11 մետրանոցներով պարտվելուց հետո Արգենտինայի հավաքականից հեռանալու մասին հայտարարեց «Բարսելոնայի» հարձակվող Լիոնել Մեսին: Նրա օրինակին հետեւել մտադիր են նաեւ Խավյեր Մասկերանոն եւ Սերխիո Ագուերոն, հաղորդում է 101greatgoals-ը: 32-ամյա Մասկերանոն 2003 թվականից Արգենտինայի հավաքականում անցկացրել է 129 հանդիպում, խփել է երեք գոլ: 28-ամյա Ագուերոն 76 խաղում խփել է 33 գոլ:
Հավաքականում կարիերան ավարտել մտադիր են նաեւ Գոնսալո Իգուաինը, Էսեկիել Լավեսին, Լուկաս Բիլիան եւ Անխել Դի Մարիան, հաղորդում է ESPN-ը:
Արգենտինան պարտվում է արդեն երեք անընդմեջ եզրափակիչներում: 2014թ. աշխարհի առաջնության եզրափակիչում Գերմանիային պարտվելուց հետո թիմը պարտվել էր նաեւ 2015թ. Ամերիկայի գավաթի խաղարկության եզրափակիչում՝ դարձյալ Չիլիին:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։