ՊՍԺ-ն խզեց պայմանագիրը Լորան Բլանի հետ
15:52 27 հունիսի, 2016Ֆրանսիայի չեմպիոն ՊՍԺ-ն հայտարարել է թիմի գլխավոր մարզիչ Լորան Բլանի պայմանագիրը խզելու մասին: Ֆրանսիացի մասնագետը երեք տարի գլխավորեց թիմը:
«Հանգիստ մթնոլորտում կողմերը ավարտել են բանակցությունները: Կնքվել է համաձայնագիր, որը բավարարում է բոլոր կողմերին: Բլանի հետ թիմից կհեռանան նաեւ նրա օգնականներ Ֆիլիպ Լամբերն ու Ժան-Լուի Գասեն»,- ասվում է փարիզյան ակումբի հայտարարությունում:
ՊՍԺ-ն Բլանի հետ պայմանագիրը երկու տարով երկարաձգել էր այս տարվա փետրվարին, սակայն Չեմպիոնների լիգայի քառորդ եզրափակիչում անգլիական «Մանչեսթեր Սիթիի» արգելքը չհաղթահարելուց հետո փարիզյան սուպերակումբը որոշեց հեռացնել մարզիչին: Ֆրանսիական մամուլի տվյալներով, Բլանը կստանա 22 միլիոն եվրո փոխհատուցում:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։