Վանաձորում անցկացված Սեուլի Օլիմպիական խաղերի փոխչեմպիոն, ազատ ոճային ըմբիշ Ստեփան Սարգսյանի անվան 21-րդ միջազգային մրցաշարում հայ ըմբիշները նվաճեցին 2-ական ոսկե, արծաթե եւ 3 բրոնզե մեդալ, հաղորդում է ՀԱՕԿ լրատվականը:
Մրցումային երկրորդ օրը մրցագորգ դուրս եկան 61 կգ, 70 կգ, 86 կգ եւ 125 կգ քաշային կարգ ունեցող ըմբիշները:
Ոսկե մեդալներ նվաճեցին Ահմեդ Չակաեւը (61 կգ, Ռուսաստան), Մագոմեդխաբիբ Կադիմագոմեդովը (70 կգ, Ռուսաստան), Ալիրեզա Քարիմին (86 կգ, Իրան) եւ Փավրիզ Մասմանջը (125 կգ, Իրան):
Հայաստանի հավաքականի անդամներ Գրիգոր Գրիգորյանը (70 կգ) եւ Շամիր Աթյանը (86 կգ) պարտվեցին եզրափակիչում ու դարձան մրցաշարի արծաթե մեդալակիրներ: Օլիմպիական խաղերի ուղեգիր նվաճած 125 կգ քաշային Լեւան Բերիանիձեն դարձավ բրոնզե մեդալակիր:
Առաջին օրը Հայաստանի հավաքականի անդամներ Գարիկ Բարսեղյանը (57 կգ) եւ Գեորգի Կետոեւը (97 կգ) դարձել էին մրցաշարի ոսկե մեդալակիրներ:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։