The Guardian. Մխիթարյանն առաջիկա օրերին կդառնա «Մանչեսթեր Յունայթեդի» խաղացող
08:09 26 հունիսի, 2016Անգլիական «Մանչեսթեր Յունայթեդն» առաջիկա մի քանի օրում կիրագործի Հայաստանի հավաքականի կիսապաշտպան Հենրիխ Մխիթարյանի տրանսֆերը Դորտմունդի «Բորուսիայից»: Պորտուգալացի Ժոզե Մոուրինյոյի գլխավորած թիմը 27-ամյա ֆուտբոլիստի հետ կկնքի 4-5 տարվա պայմանագիր, հաղորդում է բրիտանական The Guardian-ը: Սպասվում է, որ գործարքի գումարը կկազմի 30 միլիոն ֆունտ ստերլինգ:
«Բորուսիան» արդեն համակերպվել է Մխիթարյանին կորցնելու մտքի հետ եւ առաջարկներ է արել Գերմանիայի հավաքականի խաղացողներ Անդրե Շյուրլեի եւ Քարիմ Բելարաբիի տրանսֆերների համար:
Սպասվում է, որ «Մանչեսթեր Յունայթեդ» կտեղափոխվի նաեւ շվեդ հարձակվող Զլատան Իբրահիմովիչը:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։