Ֆրանսիայում շարունակվող ֆուտբոլի Եվրոպայի առաջնությունում հունիսի 26-ին տեղի կունենա 1/8 եզրափակիչի եւս երեք հանդիպում: Ֆրանսիայի հավաքականը Լիոնում կհանդիպի իռլանդացիների հետ: Լիլում աշխարհի չեմպիոն Գերմանիայի հավաքականը կխաղա սլովակների հետ: Օրվա վերջին խաղը տեղի կունենա Թուլուզում: Քառորդ եզրափակիչի ուղեգիրը կվիճարկեն Հունգարիայի եւ Բելգիայի թիմերը:
Հիշեցեցնենք, որ փլեյ-օֆֆի առաջին օրը Լեհաստանի հավաքականը հետխաղյա 11 մետրանոցներով դուրս է թողել շվեյցարացիներին, Ուելսի թիմը նվազագույն հաշվով հաղթել է Հյուսիսային Իռլանդիային, Պորտուգալիան նույնպես 1:0 հաշվով պարտության է մատնել խորվաթներին:
1/8 եզրափակիչում են նաեւ Իտալիան ու Իսպանիան եւ Անգլիան ու Իսլանդիան, որոնք կխաղան հունիսի 27-ին:
Եվրոպայի առաջնություն, 1/8
Հունիսի 26
4. Ֆրանսիա - Իռլանդիա, 17:00, Լիոն
5. Գերմանիա - Սլովակիա՝ 20:00, Լիլ
6. Հունգարիա - Բելգիա, 23:00, Թուլուզ
Հունիսի 27
7. Իտալիա - Իսպանիա, 20:00, Փարիզ («Ստադ դե Ֆրանս»)
8. Անգլիա - Իսլանդիա՝ 23:00, Նիցա
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։