29-ամյակը նշող Լիոնել Մեսի. Միշտ էլ ասել եմ, որ երջանիկ եմ «Բարսելոնայում»
16:17 24 հունիսի, 2016Հունիսի 24-ին ծննդյան 29-րդ տարեդարձը նշող արգենտինացի հարձակվող Լիոնել Մեսին մտադիր է դեռ երկար տարիներ անցկացնել «Բարսելոնայում»:
«Միշտ էլ ասել եմ, որ երջանիկ եմ «Բարսելոնայում»: Եվ քանի դեռ ես ցանկալի խաղացող եմ կատալոնական ակումբում, կձգտեմ օգնել թիմին հասնել նոր նվաճումների: Եթե վնասվածքները չխանգարեն եւ հաջողությունը երես չթեքի ինձնից, ապա կձգտեմ «Բարսելոնայում» անցկացնել դեռ երկար տարիներ:
Հիմա ինձ ֆիզիկապես եւ հոգեբանորեն հրաշալի եմ զգում: Հսկայական հաճույք եմ ստանում խաղից»,- Լիոնել Մեսիի խոսքը մեջբերում է Sport.es-ը:
Մեսին Արգենտինայի հավաքականի կազմում մասնակցում է ԱՄՆ-ում ավարտին մոտեցող Ամերիկայի գավաթի խաղարկությանը: Հունիսի 25-ին կայանալիք եզրափակիչում արգենտինացիները կմրցեն Չիլիի հավաքականի հետ:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։