Բրազիլիայի ազգային հավաքականի պաշտպան Լուսիոն փոխադարձ համաձայնությամբ խզել է պայմանագիրն իտալական «Ինտերի» հետ եւ առաջիկայում կտեղափոխվի այլ ակումբ:
34-ամյա բրազիլացին 2011 թվականին երեք տարվա պայմանագիր էր կնքել «Ինտերի» հետ, հաղորդում է ակումբի պաշտոնական կայքը:
Իտալական ակումբը շնորհակալություն է հայտնել ֆուտբոլիստին՝ մաղթելով նորանոր հաջողություններ:
Լուսիոն 2009 թվականին Մյունխենի «Բավարիայից» էր տեղափոխվել «Ինտեր»: Միլանյան ակումբի կազմում անցկացրել է 136 հանդիպում եւ դարձել է հինգ գոլի հեղինակ: Նա «Ինտերի» հետ դարձել է Իտալիայի չեմպիոն, գավաթակիր, սուպերգավաթակիր, Չեմպիոնների լիգայի հաղթող եւ աշխարհի ակումբային առաջնության չեմպիոն:
Իտալական լրատվամիջոցների համաձայն՝ բրազիլացի պաշտպանին ձեռք բերելու գլխավոր հավակնորդը թուրքական «Ֆենեբահչեն» է:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։