Փարիզ. Արոնյանը 7-րդն է, առաջատարներն են Կարլսենն ու Նակամուրան (աղյուսակ)
23:56 9 հունիսի, 2016Փարիզում մեկնարկած Grand Chess Tour-ի մրցաշարի արագ շախմատի հինգ տուրերից հետո հայկական շախմատի առաջատար Լեւոն Արոնյանը վաստակել է 4 միավոր եւ բաժանում է 6-9-րդ տեղերը (7-րդն է): Առաջատարներն են աշխարհի չեմպիոն, նորվեգացի Մագնուս Կարլսենն ու ամերիկացի Հիկարու Նակամուրան, որոնք վաստակել են 7-ական միավոր: Հաղթանակի համար տրվում է 2, ոչ ոքի համար՝ 1 միավոր:
Առաջին օրը Լեւոն Արոնյանը հաղթել է ֆրանսիացի Լորան Ֆրասինյեին, ոչ ոքի է խաղացել հոլանդացի Անիշ Գիրիի եւ ֆրանսիացի Մաքսիմ Վաշյե-Լագրավի հետ, պարտվել է Մագնուս Կարլսենի եւ ամերիկացի Ուեսլի Սոին:
Մրցաշարին մասնակցում են նաեւ ամերիկացի Ֆաբիանո Կարուանան, ռուսաստանցի Վլադիմիր Կրամնիկը եւ բուլղարացի Վեսելին Տոպալովը: Արագ խաղի մրցաշարը կավարտվի հունիսի 10-ին: Հունիսի 11-ին եւ 12-ին կանցկացվի կայծակնային խաղի մրցաշարը:
Grand Chess Tour-ի հաջորդ մրցաշարերը կլինեն հունիսի 15-21-ին Բրյուսելում, օգոստոսին ԱՄՆ-ի Սենթ Լուիս քաղաքում եւ դեկտեմբերին Լոնդոնում:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։