2015թ. Բաքվում կայացած Եվրոպական խաղերի փոխչեմպիոն Գեւորգ Մանուկյանը Ուկրաինայի հավաքականի կազմում չի մեկնի Բաքու՝ բռնցքամարտի օլիմպիական վարկանիշային մրցաշարի, որը տեղի կունենա հունիսի 16-25-ին, հաղորդում է haqqin.az-ը:
«Այս անգամ ինձ ոչ ոք անվտանգության երաշխիք չտվեց Ադրբեջան մեկնելու համար: Ծնողներս եւս դեմ են»,- ասել է Գեւորգ Մանուկյանը:
Ուկրաինայի հավաքականի գլխավոր մարզիչ Դմիտրի Սոսնովսկին եւս դեմ է Մանուկյանի մասնակցությանը Բաքվի մրցաշարին:
«Այնտեղ, կարծես, զինադադար է, կարծես՝ բանակցություններ են, բայց միեւնույն է, դա հակամարտություն է: Մանուկյանի մեկնելը նպատակահարմար չէ»,- ասել է Սոսնովսկին:
Ուկրաինայի բռնցքամարտի ֆեդերացիան միջազգային ֆեդերացիայի հետ բանակցում է Վենեսուելայում կայանալիք պրոֆեսիոնալների համար վերջին օլիմպիական վարկանիշային մրցաշարում Մանուկյանի մասնակցությունն ապահովելու համար:
Հիշեցնենք, որ Հայաստանի հավաքականը եւս հրաժարվել է մասնակցել Բաքվի մրցաշարին եւ այժմ համատեղ հավաք է անցկացնում Կիեւում:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։