Վարազդատ Հարոյանի տեղափոխությունն Իրան ձախողվել է ադրբեջանցի երկրպագուների պատճառով

14:33   7 հունիսի, 2016

Երեւանի «Փյունիկի» եւ ֆուտբոլի Հայաստանի ազգային հավաքականի պաշտպան Վարազդատ Հարոյանի տեղափոխությունն իրանական «Տրակտոր Սազի» չի կայանա, գրում է Varzesh3.com-ը:

«Տրակտոր Սազիի» մարզական տնօրեն Մոսթաֆա Աջորլուն եւս հաստատել է այդ տեղեկությունը: Թավրիզը ներկայացնող թիմի երկրպագուների մի մասը դեմ են արտահայտվել հայ ֆուտբոլիստի տեղափոխությանը, իսկ ակումբի նախագահը որոշել է չհակադարձել նրանց: Իրանում «Տրակտոր Սազին» ունի բազմաթիվ ադրբեջանցի երկրպագուներ:

Նախօրեին «Տրակտոր Սազիի» կայքը հայտնել էր, որ Վարազդատ Հարոյանը երկու տարվա պայմանագիր է կնքել ակումբի հետ: 2008-2009-ը իրանական ակումբում խաղացել է Հայաստանի հավաքականի նախկին դարպասապահ Գեւորգ Կասպարովը: Այս տարվա խաղերից մեկում «Տրակտոր Սազիի» ֆանատներն աչքի են ընկել հակահայկական վանկարկումներով

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։