Ռոնալդուն՝ Եվրո-2016-ի ամենաթանկ ֆուտբոլիստ, Իսպանիան՝ ամենաթանկ հավաքական
16:40 31 մայիսի, 2016Bloomberg գործակալությունը կազմել է Եվրո-2016-ին մեկնող ամենաթանկ ֆուտբոլիստների ցուցակը: Առաջին տեղում է Մադրիդի «Ռեալի» եւ Պորտուգալիայի հավաքականի հարձակվող Կրիշտիանու Ռոնալդուն, որի տրանսֆերային արժեքը գնահատվում է 116 միլիոն եվրո:
Երկրորդ տեղում է Մյունխենի «Բավարիայի» գերմանացի կիսապաշտպան Թոմաս Մյուլերը (79 միլիոն եվրո), իսկ 3-4-րդ տեղերը բաժանում են լեհ Ռոբերտ Լեւանդովսկին («Բավարիա») ու բելգիացի Էդեն Ազարը («Չելսի»)՝ 74-ական միլիոն եվրո:
Ամենաթանկ հավաքականն Իսպանիայինն է, որի 23 խաղացողների տրանսֆերային արժեքը կազմում է 736 միլիոն եվրո: Երկրորդը Գերմանիան է (663 միլիոն), եռյակը եզրափակում է Ֆրանսիան (551 միլիոն): 10 ամենաթանկ թիմերի թվում են նաեւ Բելգիան, Անգլիան, Իտալիան, Խորվաթիան, Լեհաստանը եւ Թուրքիան, իսկ ամենաէժան հավաքականը Հունգարիայինն է՝ 31 միլիոն եվրո, փոխանցում է Goal.com-ը:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։