Մադրիդի «Ռեալի» պորտուգալացի հարձակվող Կրիշտիանու Ռոնալդուն Չեմպիոնների լիգայում տարած հաղթանակում կարեւորել է երկրպագուների դերը:
«Շատ եմ ցանկանում նշել, որ առանց ձեր աջակցության մենք չէինք հաղթի Չեմպիոնների լիգայում եւ նվաճի այս հրաշալի գավաթը: Հպարտ եմ, որ ֆուտբոլ եմ խաղում «Ռեալի» համազգեստով: Շատ երջանիկ եմ եւ ցանկանում եմ երգել: Այսպես հաղթում է «Ռեալը»,- Մադրիդի «Սանտյագո Բերնաբեու» ստադիոնում անցկացված չեմպիոնական տոնախմբությանն ասել է Ռոնալդուն, հայտնում է Daily Mail-ը:
Հիշեցնենք, որ Միլանի «Սան Սիրո» ստադիոնում կայացած եզրափակիչում Արքայական ակումբը հետխաղյա 11 մետրանոցներով հաղթել էր Մադրիդի «Աթլետիկոյին»: Խաղի հիմնական եւ ավելացված ժամանակն ավարտվել էր 1:1 հաշվով: 11 մետրանոց հարվածաշարում հաղթական 11 հարվածն իրացրել էր հենց Ռոնալդուն:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։