Գվարդիոլան 7 տրանսֆեր է պահանջում «Մանչեսթեր Սիթիից»
16:12 27 մայիսի, 2016Մյունխենի «Բավարիայի» գլխավոր մարզիչի պաշտոնից հեռացած Խոսեպ Գվարդիոլան լուրջ փոփոխություններ է ցանկանում կատարել անգլիական «Մանչեսթեր Սիթիում», գրում է EUROSPORT-ը:
Իսպանացի մասնագետը նշել է 7 ֆուտբոլիստների, որոնց ցանկանում է ձեռք բերել առաջիկա 2 տրանսֆերային պատուհանների ժամանակ: «Մանչեսթեր Սիթիի» ֆուտբոլիստներից նա հույսեր է կապում միայն Վենսան Կոմպանիի, Սերխիո Ագուերոյի, Կեւին դե Բրույնեի եւ Ֆերնանդինյոյի հետ: Գվարդիոլայի տրանսֆերային ցուցակում են՝ Իլկայ Գյունդոգանը («Բորուսիա Դ.»), Ջեկ Ուիլշիրը («Արսենալ»), Էյմերիկ Լյապորտը («Աթլետիկ»), Դենի Ռոուզը («Տոտենհեմ»), Լերոյ Սանեն («Շալկե»), Ջոն Սթոունզը («Էվերտոն») եւ Ալեքս Օքսլեյդ-Չեմբերլենը («Արսենալ»):
Իսպանացի մասնագետը «Մանչեսթեր Սիթին» գլխավորելու է այս մրցաշրջանից հետո:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։