Չեմպիոնների լիգայի եզրափակիչում հաղթելը երազանք է, ասել է Մադրիդի «Ռեալի» պորտուգալացի հարձակվող Կրիշտիանու Ռոնալդուն:
«Հաղթանակը Չեմպիոնների լիգայում, «Բարսելոնայի» ոսկե դուբլից արժեքավոր կլինի: Ամենայն անկեղծությամբ եմ ասում՝ երազանք է Չեմպիոնների լիգայի գավաթը:
Տխրել եմ, որ չդարձա Իսպանիայի առաջնության լավագույն ռմբարկուն, քանի որ մոտ էի դրան: Բայց պետք է արժանին մատուցել Լուիս Սուարեսին, որն անցկացրեց հրաշալի մրցաշրջան»,- Ռոնալդուի խոսքը մեջբերում է Goal.com-ը:
Հիշեցնենք, որ «Բարսելոնան» նվաճել է Իսպանիայի չեմպիոնի եւ գավաթակրի տիտղոսները, իսկ «Ռեալը» Պրիմերայում գրավեց երկրորդ տեղը: Մայիսի 28-ին Միլանում կայանալիք Չեմպիոնների լիգայի եզրափակիչում Արքայական ակումբը կմրցի Իսպանիայի առաջնության բրոնզե մեդալակիր Մադրիդի «Աթլետիկոյի» հետ: 2014թ. Չեմպիոնների լիգայի եզրափակիչում «Ռեալը» հաղթել է «Աթլետիկոյին»:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։