Իբրահիմովիչը ցանկանում է «Մանչեսթեր Յունայթեդում» ստանալ 15 միլիոն եվրո
17:50 26 մայիսի, 2016Շվեդիայի հավաքականի հարձակվող Զլատան Իբրահիմովիչը ցանկանում է անգլիական «Մանչեսթեր Յունայթեդում» ստանալ տարեկան 15 միլիոն եվրո աշխատավարձ: 34-ամյա ֆուտբոլիստի պայմանագիրը ֆրանսիական ՊՍԺ-ի հետ ավարտվում է ամռանը, եւ «Մանչեսթեր Յունայթեդը» անվճար ձեռք կբերի նրան, եթե համաձայնության հասնի անձնական պայմանագրի վերաբերյալ:
Սպասվում է, որ «Մանչեսթեր Յունայթեդի» գլխավոր մարզիչի պաշտոնն առաջիկա օրերին կզբաղեցնի պորտուգալացի Ժոզե Մոուրինյոն, որի հետ Իբրահիմովիչն ունի ընկերական հարաբերություններ:
«Եթե ցականում եք շարժվել առաջ, ապա հրավիրեք Մոուրինյոյին: Կարծում եմ՝ նա կվերադարձնի թիմն առաջին տեղ: Նա հաղթել է բոլոր թիմերում եւ գիտի՝ ինչ պետք է անել: Մենք քիչ ենք աշխատել միասին, բայց դա հրաշալի ժամանակահատված էր: «Ինտերից» հեռանալուց հետո ես Մոուրինյոյի հետ խոսել եմ գրեթե ամեն օր: Մենք հրաշալի հարաբերություններ ունենք, միշտ կապի մեջ ենք»,- Իբրահիմովիչի խոսքը մեջբերում է dailymail-ը:
Հնարավոր է՝ Իբրահիմովիչը խաղացողի դերից բացի «Մանչեսթեր Յունայթեդում» ստանձնի նաեւ գլխավոր մարզիչի օգնականի, խաղացող մարզիչի պարտականություններ:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։