Անչելոտի. Անհավանական դիմակայություն կլինի Մոուրինյոյի եւ Գվարդիոլայի միջեւ
22:23 24 մայիսի, 2016Մոուրինյոն ու Գվարդիոլան ժամանակակից ֆուտբոլի լավագույն մասնագետներն են, նրանց դիմակայությունը կլինի անհավանական, հայտարարել է իտալացի Կարլո Անչելոտին, որը հուլիսին Մյունխենի «Բավարիայում» կփոխարինի Գվարդիոլային: Կատալոնացի մասնագետը կգլխավորի անգլիական «Մանչեսթեր Սիթին», իսկ Մոուրինյոն առաջիկայում կզբաղեցնի հոլանդացի Լուի վան Գալի հեռանալուց հետո թափուր մնացած պաշտոնը «Մանչեսթեր Յունայթեդում»:
«Մոուրինյոյի եւ Գվարդիոլայի պայքարը Անգլիայում կլինի գրավիչ արկած երկու կողմերի համար էլ: Մոուրինյոն լավագույններից մեկն է եւ աշխատանքի փորձ ունի Պրեմյեր լիգայում: «Մանչեսթեր Յունայթեդին» պետք է նրա նման մասնագետ:
Վան Գալն ընդհանուր առմամբ նորմալ աշխատանք է կատարել: Միշտ էլ դժվար է նոր թիմ կառուցել: Բայց Մոուրինյոյի եւ «Մանչեսթեր Յունայթեդի» համագործակցությունը երկու կողմերին էլ օգտակար կլինի»,- Անչելոտիի խոսքը մեջբերում է skysports-ը:
Երկու տարվա աշխատանքի արդյունքում Վան Գալը «Մանչեսթեր Յունայթեդում» նվաճեց Անգլիայի գավաթը:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։