Անգլիական «Մանչեսթեր Յունայթեդի» նախկին աստղ Էրիկ Կանտոնայի կարծիքով՝ «Պորտուի», Միլանի «Ինտերի», Մադրիդի «Ռեալի», Լոնդոնի «Չելսիի» նախկին գլխավոր մարզիչ Ժոզե Մոուրինյոն չի կարողանա բավարարել է «Մանչեսթեր Յունայթեդի» երկրպագուների պահանջները: Հոլանդացի Լուի վան Գալի հեռանալուց հետո թիմի գլխավոր մարզիչի պաշտոնը թափուր է: Սպասվում է, որ թիմը կգլխավորի պորտուգալացի մասնագետը:
«Ես սիրում եմ Մոուրինյոյին, բայց նրա նախորդ թիմերի խաղաոճը չի համապատասխանում «Մանչեսթեր Յունայթեդին»: Ես հավանում եմ նրա բնավորությունը, կիրքը ֆուտբոլի նկատմամբ, հումորի զգացումը: Նա շատ պահանջկոտ մասնագետ է, եւ իհարկե, հաղթող է: Բայց ես չեմ կարծում, որ Մոուրինյոյի ղեկավարությամբ թիմի խաղը կհավանեն «Մանչեսթեր Յունայթեդի» բոլոր ֆանատները: Նա կարող է հաղթել, բայց չեմ կարծում, որ երկրպագուներին կբավարարի նրա ոճով հաղթանակները»,- Կանտոնայի խոսքը մեջբերում է The Guardian-ը:
Ժոզե Մոուրինյոյի նշանակման մասին «Մանչեսթեր Յունայթեդը» դեռ չի հայտարարել:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։