Ամերիկյան «Նյու Յորք Սիթիի» իտալացի կիսապաշտպան Անդրեա Պիրլոն պատմել է, որ չի զղջում MLS տեղափոխվելու համար:
«MLS-ում խաղալը բարդ է: Այստեղ շատ բան կախված է ֆիզիկական որակներից, պետք է կատարել մեծ աշխատանք: Իմ կարծիքով, MLS-ում վազքը շատ է, իսկ խաղը՝ քիչ: Այստեղ հարցը համակարգի ու ամերիկյան ֆուտբոլի մշակույթի մեջ է: Չեմ ասի, որ այստեղ խնդիրներ կան տեխնիկայի հետ կապված: Պարզապես այստեղ կա համակարգային դատարկություն, փոս, որը պետք է լցնել: ԱՄՆ-ում խնդիրներ են ունենում այն ֆուտբոլիստները, որոնք դառնում են պրոֆեսիոնալներ»,- Պիրլոյի խոսքը մեջբերում է Gazzetta dello Sport-ը:
Հիշեցնենք, որ MLS-ի կանոնավոր առաջնության նախորդ տուրում «Նյու Յորք Սիթին» տանը 0:7 հաշվով պարտվել էր «Նյու Յորք Ռեդ Բուլզին»:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։