Լուի վան Գալը հեռացավ «Մանչեսթեր Յունայթեդից»
00:51 24 մայիսի, 2016Անգլիական «Մանչեսթեր Յունայթեդը» հայտարարել է հոլանդացի գլխավոր մարզիչ Լուի վան Գալի հրաժարականի մասին: Նոր մարզիչի նշանակման հայտարարություն դեռ չկա:
«Մանչեսթեր Յունայթեդի» գործադիր տնօրեն Էդ Վուդվորդը շնորհակալություն է հայտնել Վան Գալին եւ նրա մարզչական շտաբին երկու տարվա գերազանց աշխատանքի եւ Անգլիայի գավաթը (12-րդ) նվաճելու համար:
«Նա արժանապատվորեն եւ պրոֆեսիոնալիզմով է աչքի ընկել մեր ակումբում անցկացրած երկու տարիների ընթացքում: Վան Գալը մեզ թողնում է մի քանի երիտասարդ խաղացողների, որոնք կարող են պայքարել տիտղոսների համար»,- ասել է Վուդվորդը:
Վան Գալը եւս շնորհակալություն է հայտնել երկու տարվա համագործակցության համար: Հոլանդացի մասնագետը նաեւ հատուկ շնորհակալություն է հայտնել «Մանչեսթեր Յունայթեդի» լեգենդներ Բոբի Չարլտոնին եւ Ալեքս Ֆերգյուսոնին հյուրընկալության համար: Նա նաեւ ափսոսանք է արտահայտել, որ չի կարողացել ավարտել երեք տարվա ծրագիրը: Վան Գալի պայմանագիրը նախատեսված էր մինչեւ հաջորդ մրցաշրջանի ավարտը:
Սպասվում է, որ «Մանչեսթեր Յունայթեդի» գլխավոր մարզիչի պաշտոնը կզբաղեցնի «Պորտուի», Մադրիդի «Ռեալի», Միլանի «Ինտերի» եւ Լոնդոնի «Չելսիի» նախկին մարզիչ, պորտուգալացի Ժոզե Մոուրինյոն:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։