Մատս Հումելսը բուժզննում անցավ «Բավարիայում» եւ կնքեց 5 տարվա պայմանագիր (ֆոտո)
19:47 23 մայիսի, 2016Ֆուտբոլի Գերմանիայի հավաքականի կազմում աշխարհի չեմպիոն Մատս Հումելսը հաջողությամբ բուժզննում է անցել «Բավարիայում» եւ հինգ տարվա պայմանագիր է կնքել մյունխենյան ակումբի հետ։
«Մենք ուրախ ենք եւ ողջունում ենք մեր սանի վերադարձը։ Նրա խաղը կհարստացնի «Բավարիան»։ Նա համաշխարհային մակարդակի պաշտպան է եւ պատասխանատվությունից չվախեցող մարտիկ»,- ասել է «Բավարիայի» ղեկավար Կարլ-Հայնց Ռումենիգեն։
27-ամյա ֆուտբոլիստը 2008-ից հանդես էր գալիս Դորտմունդի «Բորուսիայում»։ 1995-2008 թվականներին նա հանդես է եկել «Բավարիայի» տարբեր թիմերում։ Ոչ պաշտոնական տվյալներով, Հումելսի տրանսֆերի համար Գերմանիայի չեմպիոնը վճարել է մոտ 35 միլիոն եվրո։
Ամռանը մյունխենյան ակումբի գլխավոր մարզիչի պաշտոնում կատալոնացի Խոսեպ Գվարդիոլային կփոխարինի իտալացի Կարլո Անչելոտին։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։