Հայ լողորդներն օլիմպիական ուղեգիր չեն նվաճել Լոնդոնում

Լոնդոնում ավարտված լողի Եվրոպայի վարկանիշային առաջնությունում Հայաստանը ներկայացրել են Վահան Մխիթարյանը, Մոնիկա Վասիլյանը եւ Վլադիմիր Մամիկոնյան, որոնց չի հաջողվել նվաճել օլիմպիական ուղեգիր, հայտնում է ՀԱՕԿ-ի կայքը:

50 մետր ազատ ոճում Վահան Մխիթարյանը ցույց տվեց 23.67 վայրկյան արդյունք եւ 70 լողորդների մեջ զբաղեցրեց 57-րդ տեղը: 50 մետր դելֆին լողաձեւում Մխիթարյանը գրանցեց 26.51 վայրկյան արդյունք եւ 62 մասնակիցների մեջ 60-րդն էր: 100 մետր ազատ ոճում հայ լողորդը 88 մարզիկների մեջ 83-րդն էր (53.12):

Վլադիմիր Մամիկոնյանը 50 մետր ազատ ոճում 66-րդն էր՝ 24.26 վայրկյան արդյունքով, իսկ 100 մետր ազատ ոճում զբաղեցրեց 85-րդ տեղը (53.76):

Մոնիկա Վասիլյանը 50 մետր ազատ ոճում գրանցեց 27.25 վայրկյան արդյունք եւ 62 մասնակիցների մեջ գրավեց 55-րդ տեղը: 200 մետր ազատ ոճում Վասիլյանը 62 մասնակիցների մեջ նախավերջինն էր՝ 2:12.80 արդյունքով: