Պրոֆեսիոնալ բռնցքամարտի սուպերմիջին քաշային կարգում աշխարհի նախկին չեմպիոն Արթուր Աբրահամի հաջորդ մրցակիցը նորվեգացի Թիմ Ռոբին Լիհուգն (15-1, 8 նոկաուտ) է։ Այդ մասին հայ բռնցքամարտիկը հայտնել է ֆեյսբուքյան էջում։
36-ամյա Աբրահամը 23-ամյա Լիհուգին կհանդիպի հուլիսի 16-ին Բեռլինում։
Թիմ Ռոբին Լիհուգը հաղթել է վերջին 12 մենամարտերում, իսկ նախորդ անգամ ռինգ դուրս եկել է 2015 թվականի դեկտեմբերի 12-ին։ Նորվեգացին պրոֆեսիանալ ռինգում անցկացրել է 15 մենամարտ եւ միակ պարտությունը կրել է 2013-ի ապրիլին։
Արթուր Աբրահամը նախորդ մենամարտն անցկացրել է այս տարվա ապրիլի 10-ին Լաս Վեգասում, որտեղ մրցավարների միաձայն որոշմամբ (108:120, 108:120, 108:120) պարտվել էր մեքսիկացի Ջիլբերտո Ռամիրեսին։ Դա կլինի հայ բռնցքամարտիկի 50-րդ մենամարտը։
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։