«Արսենալը» 80 միլիոն ֆունտ կհատկացնի Մխիթարյանի, Մորատայի եւ Ջակայի տրանսֆերներին
18:44 13 մայիսի, 2016Լոնդոնի «Արսենալի» ֆրանսիացի գլխավոր մարզիչ Արսեն Վենգերը ակումբի ղեկավարությանը ներկայացրել է ամռան տրանսֆերային նպատակները:
Բրիտանական The Sun-ի տվյալներով, Վենգերը 80 միլիոն ֆունտ ստերլինգ կստանա Դորտմունդի «Բորուսիայի» եւ Հայաստանի հավաքականի կիսապաշտպան Հենրիխ Մխիթարյանի, Թուրինի «Յուվենտուսի» իսպանացի հարձակվող Ալվարո Մորատայի եւ Մյոնխենգլադբախի «Բորուսիայի» շվեյցարացի կիսապաշտպան Գրանիտ Ջակայի տրանսֆերները գնելու համար:
Ավելի վաղ հայտնի էր դարձել, որ «Արսենալը» Մխիթարյանի տրանսֆերի համար պատրաստ է «Բորուսիային» վճարել 23 միլիոն ֆունտ ստերլինգ՝ ֆուտբոլիստին առաջարկելով տարեկան 8 միլիոն ֆունտ ստերլինգ աշխատավարձ: 27-ամյա հայ խաղացողի ծառայություններով հետաքրքրված են նաեւ Լոնդոնի «Չելսին» եւ Թուրինի «Յուվենտուսը»:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։