«Արսենալը» պատրաստ է տարեկան 8 միլիոն ֆունտ վճարել Հենրիխ Մխիթարյանին
12:18 11 մայիսի, 2016Լոնդոնի «Արսենալն» ու «Չելսին» շարունակում են Դորտմունդի «Բորուսիայի» կիսապաշտպան Հենրիխ Մխիթարյանին ձեռք բերելու փորձերը:
Daily Star-ի համաձայն՝ «Արսենալը» Հայաստանի հավաքականի ավագին դիտարկում է որպես Ալեքսիս Սանչեսին փոխարինող: Չիլիացի կիսապաշտպանը չի շտապում երկարաձգել գործող պայմանագիրը եւ առաջարկ ունի Թուրինի «Յուվենտուսից»: Մխիթարյանին ձեռք բերելու համար անգլիական ակումբը պատրաստ է վճարել 23 միլիոն ֆունտ ստերլինգ, իսկ նրան առաջարկել տարեկան 8 միլիոն ֆունտ աշխատավարձ:
Ավելի վաղ հայտնի էր դարձել, որ «Չելսին» մտադիր է 46 միլիոն ֆունտ ստերլինգ առաջարկել 27-ամյա Մխիթարյանի տրանսֆերի համար: Նրա ծառայություններով հետաքրքրված է նաեւ Թուրինի «Յուվենտուսը»: Վերջերս Հենրիխը հրաժարվել էր երկարաձգել «Բորուսիայի» հետ գործող պայմանագիրը, որն ավարտվում է 2017-ի ամռանը:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։