Ռայոլա. Իբրահիմովիչը պատրաստ է վերադառնալ «Միլան»

21:48   5 մայիսի, 2016

Ֆրանսիական ՊՍԺ-ի շվեդ հարձակվող Զլատան Իբրահիմովիչի գործակալ Մինո Ռայոլան հայտարարել է, որ 34-ամյա ֆուտբոլիստը պատրաստ է վերադառնալ իտալական «Միլան»:

«Այժմ բանակցում ենք Իբրահիմովիչի նախկին ակումբներից մեկի հետ: Այդ ակումբը «Միլանն» է: Զլատանը բազմիցս ցույց է տվել, որ պատրաստ է անսովոր քայլերի՝ նույնիսկ, հրաժարվել միլիոններից, հանուն «Միլան» տեղափոխվելու: Թեեւ վերջնական որոշում դեռ չկա»,- Ռայոլայի խոսքը մեջբերում է football-italia-ն՝ հղում անելով GQ հանդեսին:

Իբրահիմովիչն ամռանը կհեռանա ՊՍԺ-ից: Նա առաջարկներ ունի նաեւ Անգլիայից եւ Չինաստանից:

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։