Մադրիդի «Ռեալի» ֆրանսիացի գլխավոր մարզիչ Զինեդին Զիդանը մեկնաբանել է անգլիական «Մանչեսթեր Սիթիի» նկատմամբ նվազագույն հաշվով հաղթանակը Չեմպիոնների լիգայի կիսաեզրափակիչի պատասխան խաղում:
«Շատ ուրախ եմ ոչ այնքան ինձ համար, որքան՝ ֆուտբոլիստների, որոնք կատարեցին հրաշալի աշխատանք: Նրանք արժանի էին եզրափակիչ դուրս գալուն: Կիսաեզրափակիչում միշտ բարդ է լինում, բայց գլխավորն այն է, որ մենք եզրափակիչում ենք: Դժվար էր, սակայն մենք պատրաստ էինք դրան: Պետք է վայելել այս պահը, թեեւ մենք դեռ ոչինչ չենք արել: Գիտենք, որ Միլանում լինելու է բարդ եզրափակիչ, բայց այժմ մտածում ենք Իսպանիայի առաջնության առաջիկա խաղի մասին:
Ինչ վերաբերում է Ռոնալդուին, նա խաղում էր այնպես, ինչպես միշտ: Մենք կռվում էինք ամբողջ թիմով, եւ հենց դա օգնեց դուրս գալ եզրափակիչ»,- Զիդանի խոսքը մեջբերում է AS-ը:
Զինեդին Զիդանը պատմության երկրորդ մարզիչն է, որին հաջողվում է իր թիմին դուրս բերել Չեմպիոնների լիգայի եզրափակիչ՝ աշխատանքը սկսելով մրցաշարի փլեյ-օֆֆից: Նախինում դա հաջողվել էր միայն Ռոբերտ Դի Մատեոյին, որը «Չելսիին» հասցրել էր չեմպիոնությանը:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։