Մադրիդի «Ռեալի» նախկին գլխավոր մարզիչ Կարլո Անչելոտին հույս է հայտնել, որ Արքայական ակումբը կհաղթահարի անգլիական «Մանչեսթեր Սիթիի» արգելքը եւ դուրս կգա Չեմպիոնների լիգայի եզրափակիչ:
«Համաձայն եմ, որ Զիդանի թիմը շատ նմանություններ ունի իմ ղեկավարած «Ռեալի» հետ: Նրանք բավական սենսացիոն շանս ունեն դարձյալ դուրս գալ Չեմպիոնների լիգայի եզրափակիչ: Զիդանն ունի լավ խաղացողներ, որոնք կարող են անհրաժեշտության դեպքում փոխարինել իրար: Կարծում եմ՝ այս անգամ Բենզեմային դարձյալ կփոխարինի Խեսեն: Առաջիկա խաղում «Ռեալը» պետք է զգուշանա Ագուերոյից: Առաջին խաղում նրան զսպում էին Ռամոսն ու Պեպեն: Հույս ունեմ, որ այս անգամ էլ այդպես կլինի»,- Անչելոտիի խոսքը մեջբերում է Marca-ն:
Հիշեցնենք, որ 2014-ին «Ռեալը» Անչելոտիի ղեկավարությամբ Չեմպիոնների լիգայի եզրափակիչում 4:1 հաշվով հաղթեց Մադրիդի «Աթլետիկոյին» եւ 10-րդ անգամ նվաճեց գավաթը: Զիդանը Անչելոտիի օգնականն էր: Այս ամռանը Անչելոտին կգլխավորի Մյունխենի «Բավարիան»:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։