Վալերի Կարպին. «Սպարտակը» դեռ 20 տարի ոչ մի տիտղոս չի նվաճի
17:46 4 մայիսի, 2016Մոսկվայի «Սպարտակի» նախկին գլխավոր տնօրեն եւ գլխավոր մարզիչ Վալերի Կարպինը կանխատեսել է, որ «Սպարտակը» դեռ 20 տարի ոչ մի տիտղոս չի նվաճի: Արմավիրի «Տորպեդոյի» գլխավոր մարզիչը նշել է, որ «Սպարտակից» հեռանալիս էլ վստահ է եղել փոփոխությունների անհնարինությանը, փոխանցում է Sport-express-ը:
Կարպինը «Սպարտակը» գլխավորել է 2009-2014 թվականներին (կես տարվա ընդմիջումով): Նրա հետ «Սպարտակը» երկու անգամ դարձել է Ռուսաստանի փոխչեմպիոն:
Նա նաեւ հայտարարել է, որ իր համար անակնկալ է եղել պաշտոնանկությունը «Սպարտակի» գլխավոր մարզիչի պաշտոնից, քանի որ այդ պահին թիմն ընթանում էր երրորդ տեղում:
Հիշեցնենք, որ Կարպինն այժմ Արմավիրի «Տորպեդոյի» գլխավոր մարզիչն է: Թիմը ձախողվեց եւ դուրս մնաց Ռուսաստանի Առաջին դիվիզիոնից:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։