Նիժնի Նովգորոդի «Վոլգայի» եւ Հայաստանի հավաքականի հարձակվող Արթուր Սարկիսովը մեկնաբանել է «Տոմի» դեմ Ռուսաստանի Առաջին դիվիզիոնի առաջնության 34-րդ տուրի խաղում խփած գոլը:
«Տոմի» հետ հանդիպումը բարդ ստացվեց: Ուրախ եմ, որ ինձ հաջողվեց գոլ խփել: Հուսով եմ, որ կստացվի նաեւ հաջորդ խաղում: Յուրաքանչյուր խաղում շատ եմ ցանկանում գոլ խփել: Երբ ինչ-որ բան շատ ես ցանկանում, երբեմն չի ստացվում: Հնարավոր է, որ մի քիչ մոռացա դրա մասին, եւ հաջողվեց գոլի հեղինակ դառնալ»,- Սարկիսովի խոսքը մեջբերում է «Վոլգայի» կայքը:
Հիշեցնենք, որ Արթուր Սարկիսովը հրավիրվել է Հայաստանի հավաքական՝ մասնակցելու Գվատեմալայի (մայիսի 28) եւ Էլ Սալվադորի (հունիսի 1) դեմ ԱՄՆ-ում կայանալիք ընկերական խաղերին:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։