Անգլիայի չեմպիոնի տիտղոսը «Լեսթերին» կբերի մոտ 150 միլիոն ֆունտ ստերլինգ
17:10 3 մայիսի, 2016Ֆուտբոլի Անգլիայի չեմպիոնի տիտղոսը նվաճելու շնորհիվ «Լեսթեր Սիթին» կվաստակի մոտ 150 միլիոն ֆունտ ստերլինգ, հաղորդում է BBC-ն։ Այդ գումարը կձեւավորվի պարգեւավճարներից, տոմսերի վաճառքից, հեռուստահեռարձակումներից, մասնակցությունից Չեմպիոնների լիգայի խմբային մրցաշարին, հովանավորներից, ամբողջ աշխարհում երկրպագուների թվի եւ առեւտրային գործունեության ընդլայնումից։
Անգլիայի Պրեմյեր լիգայի յուրաքանչյուր ակումբ մրցաշրջանի արդյունքում անկախ զբաղեցրած տեղից կստանա 54 միլիոն ֆունտ ստերլինգ։ Դրան գումարվում է բոնուսը մրցաշարային աղյուսակում տեղի համար։ Չեմպիոնը ստանում է լրացուցիչ 25 միլիոն ֆունտ ստերլինգ։
Յուրաքանչյուր հեռարձակված հանդիպման համար ակումբը ստանում է 880 հազար ֆունտ ստերլինգ։ Այս մրցաշրջանում հեռարձակվել է «Լեսթերի» մասնակցությամբ 16 հանդիպում, ինչը տալիս է 14 միլիոն ֆունտ ստերլինգ։
Հիշեցնենք, որ Անգլիայի առաջնության ավարտից երկու տուր առաջ «Լեսթերը» անհասանելի է դարձել երկրորդ տեղում գտնվող Լոնդոնի «Տոտենհեմի» համար։
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։