Ռոնալդուն պատրաստ է «Մանչեսթեր Սիթիի» դեմ խաղին
22:20 2 մայիսի, 2016Մադրիդի «Ռեալի» պորտուգալացի հարձակվող Կրիշտիանու Ռոնալդուն մայիսի 2-ին երկրորդ լիարժեք մարզումն է անցկացրել Արքայական թիմի կազմում վնասվածքից հետո: «Ռեալի» առաջատարը պատրաստ կլինի անգլիական «Մանչեսթեր Սիթիի» դեմ Չեմպիոնների լիգայի կիսաեզրափակիչի պատասխան խաղին, գրում է իսպանական Marca-ն:
Հիշեցնենք, որ վնասվածքի պատճառով Պորտուգալիայի հավաքականի ավագը բաց թողեց «Մանչեսթեր Սիթիի» դեմ առաջին հանդիպումը, որն ավարտվեց ոչ ոքի՝ 0:0:
Հարցականի տակ է «Ռեալի» ֆրանսիացի հարձակվող Քարիմ Բենզեմայի մասնակցությունը կիսաեզրափակիչի պատասխան հանդիպմանը: Բենզեման եւս վնասվածք ուներ: Նա չկարողացավ շարունակել Անգլիայում կայացած հանդիպումը՝ փոխարինվելով ընդմիջմանը: Մայիսի 2-ին Բենզեման մարզվել է անհատական ծրագրով:
«Ռեալ» - «Մանչեսթեր Սիթի» հանդիպումը տեղի կունենա մայիսի 4-ին եւ կմեկնարկի Երեւանի ժամանակով 22:45-ին:
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։