Եթե «Լեսթեր Սիթին» նվաճի ֆուտբոլի Անգլիայի չեմպիոնի տիտղոսը, թիմի իտալացի գլխավոր մարզիչ Կլաուդիո Ռանյերին կստանա մոտ 5 միլիոն ֆունտ ստերլինգ լրացուցիչ բոնուս: «Լեսթերի» հետ պայմանագիր կնքելիս Ռանյերին պահանջել էր ընդգրկել բարձր արդյունքների համար լրացուցիչ բոնուսների կետը: Պրեմյեր լիգայի 18-րդ տեղից բարձր ամեն տեղի համար Ռանյերին կստանա 100 հազար ֆունտ ստերլինգ (1.7 միլիոն՝ առաջին տեղում առաջնությունն ավարտելու համար): Խոշոր բոնուսներ են նախատեսված նաեւ չեմպիոնության եւ Չեմպիոնների լիգայի ուղեգրի համար, հաղորդում է dailymail-ը: Հաջորդ մրցաշրջանում «Լեսթերը» պայքարը կսկսի Չեմպիոնների լիգայի խմբային մրցաշարում:
Անգլիայի առաջնության ավարտից երեք տուր առաջ «Լեսթերն» ունի 7 միավորի առավելություն երկրորդ տեղում գտնվող Լոնդոնի «Տոտենհեմի» նկատմամբ: Մնացած հանդիպումներում առաջատարը կհյուրընկալվի «Մանչեսթեր Յունայթեդին», Լոնդոնի «Չելսիին» եւ կընդունի «Էվերտոնին»:
Հիշեցնենք, որ Ռանյերին Հունաստանի ազգային հավաքականում ձախողվելուց եւ հեռանալուց հետո անցած ամռանն է գլխավորել «Լեսթեր Սիթին»:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։