Վիտալի Կլիչկոն չի ստանա Կիեւի Օլիմպիական ստադիոնը

Սեպտեմբերի սկզբին նախատեսված սուպերծանր քաշային կարգում WBC վարկածով աշխարհի չեմպիոնի մենամարտը Վիտալի Կլիչկոն չի կարողանա անցկացնել Կիեւի Օլիմպիական ստադիոնում:

Ուկրաինայի Սպորտի նախարարությունը մերժել է Կլիչկոյի պրոմոուտերական ընկերության հայտը, թեեւ Կիեւի բյուջեն այդ միջոցառումից կարող էր ստանալ մի քանի միլիոն դոլարի եկամուտ:

Մերժումը հիմնավորվել է խոտածածկը վնասելու հնարավորությամբ: Սակայն գերմանական մամուլը ենթադրում է, որ իրական պատճառը Ուկրաինայի նախագահ Վիկտոր Յանուկովիչի միջամտությունն է: Վիտալի Կլիչկոն նաեւ մտել է քաղաքական դաշտ եւ ստեղծել է սեփական կուսակցություն, Յանուկովիչն էլ չի ցանկանում մրցակցին տրամադրել այդքամ մեծ լսարան, հաղորդում է Allboxing-ը: