«Բավարիայի» ֆուտբոլիստը կոտրվածք է ստացել

16:12   14 փետրվարի, 2016

Մյունխենի «Բավարիայի» կենտրոնական պաշտպան Հոլգեր Բադշտուբերը մարզման ժամանակ ոտնաթաթի ոսկորի կոտրվածք է ստացել եւ բաց կթողնի մոտ երեք ամիս, հաղորդում է գերմանական ակումբի մամուլի ծառայությունը: 26-ամյա ֆուտբոլիստն արդեն վիրահատվել է:

Գերմանիայի ընթացիկ առաջնությունում Բադշտուբերը «Բավարիայի» կազմում անցկացրել է 7 հանդիպում:

Ավելի վաղ Խոսեպ Գվարդիոլայի գլխավորած թիմը վնասվածքի պատճառով զրկվել էր նաեւ կենտրոնական պաշտպան Ջերոմ Բոատենգից, որը խաղադաշտ կվերադառնա միայն ապրիլին:

Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։