«Արարատի» 3 ֆուտբոլիստներ փաստաթղթային խնդիրների պատճառով չեն մեկնի ԱՄՆ
23:33 13 փետրվարի, 2016Փետրվարի 14-ի առավոտյան «Արարատը» 18 ֆուտբոլիստներով կմեկնի ԱՄՆ, որտեղ 10-օրյա հավաք կանցկացնի Կալիֆորնիայում, հայտնում է ակումբի կայքը:
Փաստաթղթային խնդիրների պատճառով հավաքին չեն մասնակցի դարպասապահ Արման Մելիքսեթյանը, պաշտպան Արամ Շախնազարյանը եւ վրացի կիսապաշտպան Գեորգի Խուբուան:
ԱՄՆ-ում «Արարատին» կմիանան ամերիկացի կիսապաշտպան Բրայան դե լա Ֆուենտեն ու խորվաթ եզրային կիսապաշտպան Մարին Գլավաշը: 23-ամյա Գլավաշը նախկինում հանդես է եկել խորվաթական «Օսիեկ» եւ Սլովակիայի «Զլատե Մորավցե» թիմերում ու Խորվաթիայի երիտասարդական հավաքականում: Հավաքի ընթացքում թիմում կփորձարկվեն նաեւ այլ խաղացողներ:
ԱՄՆ-ում «Արարարտն» անցկացնելու է 3 ստուգողական հանդիպում: Մրցակիցներից երկուսը հայտնի են՝ «Ֆրեզնո Ֆուեգո» (փետրվարի 18-ին) եւ «Նյու Յորք Կոսմոս» (փետրվարի 20-ին):
© 2024 NEWS.am - Sport
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։