Հայաստանի հավաքականի ու Դորտմունդի «Բորուսիայի» կիսապաշտպան Հենրիխ Մխիթարյանն անդրադարձել է «Հանովերի» դեմ Գերմանիայի առաջնության 21-րդ տուրի խաղում խփած հաղթական գոլին:
«Մարկո Ռոյսից ստանալով գնդակը՝ ցանկանում էի առաջ շարժվել, սակայն նկատեցի, որ այդ գոտին փակ է: Այդ ժամանակ սկսեցի շարժվել դեպի կենտրոն եւ ցանկանում էի, որ գնդակը հայտնվեր ցանցում: Ի վերջո, ստացվեց հենց այդպես»,- Մխիթարյանի խոսքը մեջբերում է Sport1.de-ն:
Հիշեցնենք, որ Դորտմունդում կայացած խաղի միակ գոլը Հենրիխ Մխիթարյանը խփել էր 57-րդ րոպեին՝ Գերմանիայի ընթացիկ առաջնությունում իր գոլերի քանակը հասցնելով 8-ի:
Սույն կայքում տեղ գտած լրատվական հրապարակումների հեղինակային իրավունքը պատկանում է բացառապես NEWS.am լրատվական-վերլուծական գործակալությանը։Սույն կայքի բոլոր լրատվական հրապարակումները անհատական օգտագործման համար են։ Տեղեկատվություն տարածող այլ միջոցներում սույն կայքի հրապարակումների (մասնակի կամ ամբողջական) վերահրապարկման համար անհրաժեշտ է NEWS.am լրատվական-վերլուծական գործակալության գրավոր թույլտվությունը։Խախտում թույլ տված անձինք կենթարկվեն պատասխանատվության օրենքով սահմանված կարգով։